Etengabeko eraldaketa prozesuan murgilduta gabiltza Orioko Herri Ikastolan. Aurten Innovamat proiektua jarri dugu martxan matematika erakusteko eta ostegunean gure formatzaile eta gidari den Eneko Goenaga etorri da Innovamat gurasoei aurkeztera. Bi talde egin genituen: lehenengoa LH1etik hasi eta Lh3 bitarteko ikasleen gurasoentzat eta bigarrena, berriz, LH4tik LH6rakoentzat. Eneko Goenagak egin zuen lehen galdera gurasoei matematikak gustatzen ote zitzaizkien izan zen. Lehenengo taldean oso jende gutxik esan zuen gustoko zituela eta bigarrenean, berriz, dexentek. Eneko bera ere harrituta geratu zen, ez omen da oso ohikoa.
Matematikako eragiketa batzu jarri zituen ondoren eta guraso bakoitzak emaitzara iristeko bide ezberdinak zituela ikusi genuen. Matematikak ulertuta, eragiketen zergatia ulertuta, bakoitzari errazena egiten zaion bidea erabiltzen zuten gurasoek eta horixe nahi dugu gure ikasleek ere egitea.
Ikasleekin lantzen dugun ariketa bakoitza maila desberdinetara egokitzeko aukera ematen digu Innovamat proiektuak eta hori azaltzen saiatu zen Eneko. Modu honetan, ikaslea erdigunean jarri eta bakoitzaren erritmoetara egokitzeko aukera dugu. Bigarren taldean, bukatzeko denbora juixtua geratzen zitzaiola eta guraso batek denbora gehiago hartzeko esan zion eta beste batek halaxe esan zuen: “behin egongo matematikak entzuten gustora eta…”. Balorazio oso positiboa egin da egia esan bi taldeetan. Bertaratu ezin izan zinatenok hemen duzue aurkezpena erakusgarri. Hortaz gain azaroaren 10ean eta 16an online formazioak izango dira berriz ere gurasoentzat eta hemen dituzue ikastarora sartzeko estekak:
- Gazteleraz: Sesión con las familias de la etapa de Primaria: miércoles 10 de noviembre, de 18:30 h a 19:30 h. Para acceder, haz clic aquí, o copia y pega el siguiente enlace en tu navegador: https://youtu.be/_wqeu8fLYeA
- Euskaraz: Lehen Hezkuntzako familiekin saioa: azaroak 16, asteartea, 18:30tatik 19:30 h. Sartzeko egin klik hemen, edo kopiatu eta itsatsi ondorengo linka zure nabigatzailean: https://youtu.be/OSgTKWRm94E
