• Herrikoa: pertsona bizia, aktiboa, eragilea eta hurbila.
  • Kooperatiboa: pertsona parte-hartzailea, konprometitua eta inplikatua.
  • Euskalduna: euskal kulturan sustraitua, munduari irekia, pertsona kultur eta eleanitza.
  • Berritzailea: pertsona autonomoa, hezkidetzailea, sostengarritasunean inplikatua, konfiantzaren pedagogian hezia, bizitzarako konpetentea.

LH5ekoen ardura handiak

Orioko Herri ikastolan, LHko etapan, ikasleak urtez urte ardurak hartzen joaten dira. LH5ekoek beraien geletako zaborra eta LH eta HHko irakasle geletako zaborra ateratzen dute. Honela, gaikako bilketa ongi egiten dela ziurtatzeaz gain, euren betebeharrekin aurrera jarraitzen ikasten dute, ardurak hartuz.

 

Etxealdian daudenei bisita

Pozez txoratzen itzuli ginen Ikastolara. Zeinen ederra den lagunei faltan botatzen ditugula eta asko maite ditugula esatea!

 

Mila esker Kepa Loidi!

Kepa Loidi Orioko harakin ezaguna joan zaigu aste honetan. Orioko Herri Ikastolan oso eskertuta gaude ikastolarentzat egindako lan askorengatik. Kepa laguntzeko prest agertzen zen beti edozein eskaeraren aurrean. Besteak beste, berak egin eta egositako txistorra jan izan dugu urtero- urtero Santomas egunean. Goizeko ordu txikitan jaiki eta mimoz prestatzen zikigun jolas-garaian ogitartean jateko txistorrak.

Iban Martinez sukaldariaren bisita

Orioko Herri Ikastolako jangelako otorduak prestatu eta haurrei jangelara eramaten dizkien enpresa Askora da . Egunero-egunero mimoz eta ardura handiz prestatzen dituzten otorduak eta garrantzia handia ematen die elikadurak haurren ongizatean duen eraginari. Horregatik, hilabetero, elikaduraren inguruan ekintza bereziren bat antolatzen dute Ikastolako ikasleentzat.

Subscribe to Albisteak