LH4koak itxaspeko bueltan!

Orioko Herri ikastolako LH4ko ikasleak Itxaspeko buelta egitera joan dira gaur. Familiarizazioa gaur bukatu dute eta eguraldi ona aprobetxatuz aukera paregabea izan dute talde kohesioa lantzeko. Aldapan behera hondartza aldera jeitsi direnean parkean ibili dira jolasten. Ondo pasatzen denean gertatzen dena gertatu da gainera: beste mila plan eta eskurtsiorekin bueltatu dira!

 

Ikasleak Karkarako kazetari

Herriko aldizkariak, Karkarak, aukera paregabea eskaintzen digu ikasleak kazetari gisara aritzeko. Lau hilabetetik behin Orioko Herri Ikastolari egokitzen zaio Karkarako orri bat idaztea. Atal batean LHkoek elkarrizketa bat egin ohi dute eta zutabe batean, berriz, DBHkoek iritzi artikulu bat osatu ohi dute. Aukera paregabea da gelan egiten ari garena herriari azaltzeko, komunitatea indartzeko. 

 

Eskola Kirola martxan da!

Iazko parentesiaren ondoren, aurtengo ikasturtean eskola kirolari berrekingo diogu.

Liburutegira bisita

Orioko Herri Ikastolan familiarizazioan murgilduta gaude. Zer da familiarizazioa? galdetzen digute askok… poliki- poliki hastea litzateke, lagunekin eroso egoteko tartea hartzea, irakaslea ondo ezagutzeko aukera izatea, gure buruarekin eta ingurunearekin ondo gaudenean baikaude ikasteko prest… Familiarizazioaren parte izan da Orioko liburutegira bisita egitea.

Subscribe to Albisteak