Liburuaren eguna ospatu dugu ikastolan. Jakina da liburu eta ipuinekin zenbat gozatzen dugun eta ze mundu koloretsu eta zoragarrian murgiltzen garen. Horrexegatik da berezia ipuinaren momentua eta gaur are eta bereziagoa izan da.
HH2 eta HH3n hizkuntza desberdinetan entzun dituzte ipuinak eta gainera ipuin kontalari mundialen bidez. Ikastolako hizkuntza ezberdinak kontuan hartu eta guraso ezberdinak etorri baitira beraien txikiei eta laguntxoei ipuinak kontatzera.
Ederra izanda Woloferaz, katalanez, argentinarrez, gazteleraz eta nola ez gure euskara maiteaz ipuinak entzutea. Eskerrik asko Nikoren amatxori, Iurren aitatxori, Jesusen aitatxori, Mouhammeden amatxori eta Zuriaren amatxori. Nahi duzuenean etorri berriz ere!
HH4 eta HH5ean zineko karteldegia balitz bezala, ipuin ezberdinak aukeratzeko parada eduki dute txoko ezberdinetan.
LH1 eta LH2n ere ipuinaren ordua berezia izan da gaur, irakasleek ipuina kontatu beharrean LH3.mailakoak etorri zaizkie kontatzera.
Aste osora zabaldu dira liburuaren egunaren aitzakian antolatutako ekintzak. LH6koak LH3koengana joan dira liburuak irakurtzera.
