Taldean egiten dugu lan eta taldearentzat: elkarrekin eta elkarrengandik ikasiz
Euskal Herriko beste ikastolekin batera, Orioko Ikastola Euskal Herriko Ikastolak Europar Kooperatibako partaide da. Guztion artean talde sendoa osatu dugu Euskal Herri osoan: 111 ikastola gara, 57.000 ikasletik gora ditugu, milaka familia, eta 6.000 irakasle eta bestelako langileak.
Izaera kooperatiboari jarraituz, taldean egiten dugu lan eta taldearentzat: elkarrekin eta elkarrengandik ikasiz, eta proiektuak batera eramanez. Euskal Herri mailako ikuspegiarekin, hezkuntza eredu propioaren bitartez, euskaratik eta euskaraz, euskal curriculuma ardatz hartuta, begirada etorkizunean jarrita ari gara.