Orioko Herri Ikastolan hasieratik egin genuen hezkuntza ez sexistaren aldeko hautua. Ikasleak gizarteak markatzen dituen genero estereotipoetatik libre hezi nahi ditugu. Beraien arteko harremanak berdintasunean oinarritu daitezen eta identitateen aniztasuna onartzen ikas dezaten lan egiten dugu.
Hori dela eta, aurten ere Harremanak Elkartearen bisita izan dute DBH 4ko ikasleek. Denen artean, 3 egunez, ikastolaren komunitatean eragin eta aldaketa esanguratsua lortzeko, genero-indarkeriarekin loturiko hezkidetza, berdintasuna eta prebentzioa landu dute.
