Astelehenean ongi etorri ederra izan zuten gure txikiek ikastolan, txitak jaiotzen ari ziren eta txio-txio entzutean segituan hurbildu ziren denak, txita txikiak ikustera.
Urriaren 16an sartu zituzten HH4ko txikiek arrautzak inkubagailuan eta egunak kontatzen ari ziren, txitak noiz jaioko zain itxaroten. Halako batean iritsi da eguna eta arrautza oskolak pixkanaka puskatuz jaio dira txita txikiak.
Orain goxo-goxo eta epel-epel dauzkate jarrita eta egunetik egunera ikusiko dute zenbat handitzen diren. Nahi duena gerturatu dadila HHko eremura eta HH4ko ikasleek ederki azaldu eta erakutsiko dizkizue txiten nondik norakoak.
