Orioko Herri Ikastolako Aste Kulturala abian da dagoeneko eta antolaturiko ekintzen artean bada bat gure ikasleek mimo handiz prestatzen dihardutena.
Ostiralean plazan egingo den II.Elbira Zipitria aitortzaren barruan ikasle talde batek emanaldia eskainiko du herritarren aurrean. Dena ahalik eta ondoen atera dadin egun hauetan entseguak egiten ari dira. LHko ikasleak izango dira euskal abesti batzuei ahotsa jarriko diotenak eta hauei laguntzeko, pianoan arituko da DBH4ko Ane.
Esan bezala, maitasun handiz prestatutako saioa izango da eta ez dago esan beharrik plaza jendez beteta ikusteak emango dien poza zenbaterainokoa izango den. Beraz, Aste Kulturaleko ekintzetan parte hartzera animatzen zaituztegu!
