Orioko Herri Ikastolako DBHko ikasleek bukaera eman diote azterketa asteari. Hori ospatzeko, DBH 1, 2 eta 3 mailek goiz pasako irteerak egin dituzte toki desberdinetara. Aldiz, DBH4ko ikasleek, beraien agurra ospatzeko graduazio festa antolatu dute ikastolako aretoan.
DBH 1koak Usurbil inguruan egin dute paseotxoa eta ondoren Zubietako plazan dagoen frontoian aritu dira jolasean. DBH 2koak Orio - Getaria egin dute oinez eta ondoren hondartzaz gozatu dute. DBH 3koak ere ibilbide polita egin dute oinez. Lehenengo, Orio - Deba trenez egin dute eta ondoren, mendiz mendi, Mutrikura joan dira. Bertan, igerileku naturaletaz gozatu dute.