Egunetan eguraldiari begira egonda gero, astelehenean, ekainak 17, Getariarako hondartzara joateko plana egin genuen 3. mailakoek. Zarautzaino trenez joan ginen, eta handik Getariara itsas pasealekutik oinez. Hizketan joan ginen, horregatik, uste baino gutxiago nekatu ginen.
11etarako hondartzan geunden. Txaparruak jantzi, toallak zabaldu, krema eman, eta segituan uretan sartu ginen. A ze hotza! Hondarretan jolasean ibili eta gero, hamaiketakoa jan genuen. Eguzkia berotzen hasi zen, eta, orduan bai, denbora luzean egon ginen uretan jolasten. Oso-oso ondo pasatu genuen. Autobusez itzuli ginen Oriora. Primerako eguna pasa genuen denok elkarrekin, giro ederrean!
![LH3koak irteera Getariara](/sites/default/files/styles/wide/public/albisteak/2024-06/1000079482.jpg?itok=eNhO_7eY)