LH6koak “Onki Xin gurera!” proiektua ari dira lantzen. Etorri berriak ezagutu, beraien beharrak aztertu eta behar horiei erantzuteko fanzinea osatzea du helburu proiektuak. Zortziko taldetan bildu eta etorri berriei egiteko elkarrizketak prestatzen ibili ziren aurreko astean eta ostiralean egin zituzten.
Elkarrizketen ondoren Orion dauden zerbitzuak ezagutuko dituzte eta haiekin fanzine bat egingo dute, etorri berrientzat baliagarria izango den fanzine bat.
Elkarrekintza polita izan zuten elkarren artean eta ikasleek hausnarketarako zirrikitu asko izan zituzten.
Mila esker etortzeagatik!
