Macsonrisas elkarteak DBH2-3 eta LHko ikasleentzat heziketa digitalari buruzko ordu beteko formazio-saioa antolatu du.
Saio honetan, sare sozialen erabilera kontzientea lantzeko aukera izan dute gazteek. Teknologiarekin duten harremana ulertu eta sare sozialen arriskuez zein aukerez jabetzeko helburuarekin, jarduera praktiko eta informazio erabilgarria jaso dute. Izan ere, gaia sakon ezagutzea ezinbestekoa da prebentzioa lantzeko eta heziketa digital egokia eskaintzeko.
Horrez gain, Macsonrisas elkarteak guraso, irakasle eta hezitzaileei zuzendutako hitzaldi eta kurtsoak ere eskaintzen ditu. Formazio hauen helburu nagusia teknologia arloan belaunaldien arteko distantzia murriztea eta haur zein nerabeek ingurune digital seguruan hezteko baliabideak eskaintzea da. Jarduera hauetan, gazteen eguneroko online errealitatea aztertzen da, eta heziketa digitalerako tresna eta irizpide praktikoak ematen dira, hala nola:
- Guraso kontrolerako tresnak, seme-alaben jarduera digitala gainbegiratzeko.
- Solasaldi errazak sustatzeko gaiak, haur eta nerabeekin teknologiari buruz hitz egiteko.
- Adin egokiaren irizpideak, sare sozialetan arduraz aritzeko.
Parte hartu nahi dutenek elkartearen webgunearen bidez informazioa jaso edo izena eman dezakete.
