Azken bi asteetan, DBH 2. mailako ikasleak "El bar itu" izeneko PROIan aritu dira lanean, "Nola egin dezakegu gure ingurunea inklusiboagoa?" galdera gidariaren inguruan.
PROI honen helburuak izan dira inklusioa sustatzea, kontzientzia soziala piztea eta talde-lanean jarrera eraikitzailea sustatzea.
Horretarako, ikasleek sketchak sortu dituzte, eta horien bidez aniztasun funtzionala duten pertsonek egunerokoan aurre egiten dieten oztopoak irudikatu dituzte.
Gainera, bisitari bereziak izan ditugu: Amagoia Arrieta, Bocciako jokalari paralinpikoa, eta Alicia Figueroa, Gipuzkoako Kirol Egokituaren Federazioko zuzendari teknikoa. Amagoiak bere esperientziak partekatu zituen eta ikasleei mezu inspiragarriak helarazi zizkien, hala nola: "Borrokatu nahi duzuen horren alde, zuek nahi duzuena izango zarete."
Amaia eta Aliciaren hitzaldiek eta ikasleen sketchek inklusioaren garrantziaz hausnartzeko eta enpatia lantzeko aukera bikaina eskaini dute.
Eskerrik asko gure artean egoteagatik eta inspirazioa emateagatik!
