Batxilergoko lehen ebaluazioa igaro da Oteiza Lizeo Politeknikoan, eta gure ikasle ohien bisita jaso dugu. Haiekin hitz egin dugu ikasturtearen hasieraz, irakasgai berriez, aukerazkoen hautaketarekin asmatu duten edo ez, eta lehen ebaluazioa nola bizi izan duten.
Ikasleak pozik zeuden, eta esan digute prest sentitu direla erronka berriari aurre egiteko. Batxilergorako jauzia ez zaie hain zaila egin, uste baino errazagoa izan dela aitortu dute, eta etapa berriarekin ilusioz daudela azaldu digute. Horrez gain, euren planak partekatu dituzte gurekin eta eguneratu gaituzte.
Ikasle ohiak ikasturtean zehar hainbat aldiz etortzen zaizkigu bisitan, eta egia esan, haien feedback-a oso baliagarria egiten zaigu.
