Bi hilabate inguru pasa dituzte LH1-2 eta 3.mailako ikasleek Mikelen gidaritzapean atzoko emanaldia prestatzen. Prestatutakoaz gain, inprobisazioa ere tablaratu zuten gure artista txiki hauek. Aretoa bete egin zen, familia eta lagunak irrikaz baitzeuden emanaldia ikusteko. Bi antzezlan egin zituzten; bata San Nikolas herrian 200 urte bete behar zituen herritar bati egin nahi zioten omenaldiaren inguruan gertatzen zen eta bestean berriz, Italiako zirku baterako artista bila zebiltzan, ta imajinatuko duzuen bezala, artista ugari topatu zituzten!
Antzezteaz gain, abestu eta dantzan ere aritu ziren ikasleak, eta momentu batzuetan ikusleak ere mugimenduan eta txaloka ere jarri zituzten, eta noski ez zen barre algararik falta izan. Primerako saioa eskaini zuten, ea hurrengo urtean ere oholtza artistez beteta ikusten dugun, zorionak egindako lanagatik eta jarraitu ezazue horrela!
