LH6ko ikasleek EHKO SISTEM proiektuaren barruan ekosistema ezberdinak landu zituzten. Azken helburua ekosistema ezberdinen maketa egitea zen. Talde bati ur gezetako ekosistema egokitu zitzaion eta zapaburuak ekarri zituzten, beraien ekosistema hobeto irudikatzeko. Aurkezpena egin ondoren, arrain-ontzia bazutenez, igelaren ziklo osoa ikus zezaten, zapaburuak gelan zaintzea erabaki zuten.
Ikusi dituzte zapaburuak buru handi eta isatsarekin nola pasatu diren atzeko hanka txikiak izatera. Ikusi dute nola atera zaizkien aurreko hankak ere eta igel nola bihurtu diren. Ikasteko aukera paregabea izan dute. Hamar boluntariok azaldu dute ikastolaz kanpo aurkezpen bat lantzeko gogoa eta horrela HH eta LHko etapa guztiari zabaldu zaio aurkezpena ikusi eta zapaburuen bizitza zikloari buruz jakiteko aukera.
Museo bateko arduradunak balira bezala ibili dira ikasle boluntarioak aurkezpenak egiten. Bejondeizuela!
