Erria Txikota astearen barruan (proiektu libreen astea), DBH1eko Malen Etxeberriak, Ikastolako eskola kirolerako abestia sortu du. Honen helburua, eskola kirola euskalduntzea da; euskarazko giroa sendotzea, ikasleen arteko harremanak eta ekintza fisikoak euskaraz bizitzeko aukera sustatuz.
Ikasleek parte-hartze aktiboa izan dute prozesu osoan: musika, ahotsa, bideoaren muntaia... eta hau da guztiaren emaitza.
Zabaldu dezagun gure komunitate osoan! Eskerrik asko parte hartu duzuen guztioi, zuen energia, borondatea eta euskararekiko konpromisoagatik!
