gabonak

Zenbat maite ditugun gure aiton-amonak. Egunero hainbat eta hainbat etortzen dira ikastolara eta haurrak poz-pozik joaten dira beraien etxeetara otordu goxo-goxoak jan eta beraiekin momentu ahaztezinez gozatzera.

Eta oraingo honetan ere momentu ahaztezin horietako bat bizitzeko aukera izan dugu. Gabonetako abestiak abestera etorri dira beraien bilobatxoengana eta a ze nolako emozioa! Ikusi besterik ez zegoen umeen aurpegietan zegoen irribarrea eta ilusioa. Zein harro sentitu diren, beraiek hainbeste maite dituztenak gure artean abesten ikustean. 

HH4koak herriko haurreskolara joan dira abestera eta bertan gustura egon dira beraien lehenagoko hezitzaileei eta beraietako batzuen senitarteko txikiei abesten. 

HH5ekoak berriz, eguneko zentrora joan dira eta bertako aiton-amonen aurpegiak ere irribarrez jantzi dituzte.