Albisteak

Sexu heziketa saioak DBH 2. mailan

Sexu heziketa saioak DBH 2. mailan
 

DBH 2. mailako ikasleek LILIMA sexu heziketa eta aholkularitza elkarteak eskainitako saioak izango dituzte aste honetan zehar. Sexualitatea modu zabal batean landuko dute: aniztasun sexuala, sexualitate motak, estereotipoak, mitoak… besteak beste. Era berean, adin horretan sortzen diren zalantzak argituko dituzte denen artean, eta auto-estimua, gogo sexuala eta harremanei buruzko hausnarketak egingo dituzte.

Irakasleak ere ikasten

Irakasleak ikasten

Hasiera eman zaio guztiontzat berezia izango den ikasturte berri honi. 

Berezitasunak berezitasun, Orioko Herri Ikastolak beste hainbat erronka berrien artean, urteroko erronkei ere gogoz heldu die, tartean hain garrantzitsua deritzon irakasleen etengabeko formakuntzari.

 

Neurri bereziekin, baina lasai hasi da ikasturte berria

Neurri bereziekin, baina lasai hasi da ikasturte berria

Gaur hasi dute ikasturte berria Orioko Ikastolako ikasle eta irakasleek, ahalik eta segurtasun neurri handienak hartuz. Hala ere, nabarmentzekoa da bai ikasle eta bai irakasleen artean giro lasaia izan dela nagusi.

NERABEAK, ALKOHOLA ETA COVID-19

Nerabeak, alkohola eta Cov-19

Kobid 19ak sortutako egoera dela eta, Agipad Elkarteak nerabeek eduki ditzaketen arrisku egoerei aurre hartzera gonbidatzen ditu familiak. Besteak beste, gehiegizko kontsumoa, distantzi neurriak ez errespetatzea, edalontzia eta botilak elkarbanatzea... Egoera horiek arriskuan jartzen baitituzte beraien buruak eta baita ingurukoak ere.

Ikastola Eguna 2020

Ikastola Eguna 2020

Ekainaren 13an ospatu zen 2019-2020 ikasturteko ez-ohiko Ikastola Eguna. Ikasturtearen amaiera guztiok elkarrekin ospatzeko aitzakia polita izan ohi da eta, aurten ere, gure komunitatearen izaera parte hartzailea azpimarratzeko balio izan du. 

Kilometroetako arropa zure eskura

Kilometroetako arropa zure eskura

Aurtengo Kilometroak jaia Villabona-Zizurkilgo Zubimusu Ikastolak antolatuko du Korri, punpa, ttak! lelopean. COVID-19ak eragindako osasun-larrialdiak etenaldi bat egitera behartu ditu, baina ez dira geldirik egon. Besteak beste, jaiaren bueltarako ilusio guztiarekin arropen eta produktuen katalogo ederra prestatu eta diseinatu dute. Kilometroetako arropa on-line eros dezakezu eta egindako eskaera Orioko Ikastolako guraso batek eramango dizu etxera, bidalketa-gastuak aurrezteko. 

Ezohiko hiruhilekoaren emaitza emankorra

Ezohiko hiruhilekoaren emaitza emankorra

Orioko Herri Ikastolako gelak hutsik daude, baina Ikastola ez dago egonean. DBHko irakasle eta ikasleak konfinamenduko lehen egunetik konektatu dira egunean lau orduz ikasgaietan aurrera egin eta jarduerak burutzeko. Baina gauza jakina da ordenagailuaren aurrean lan egitea eta gelan egotea ez dela gauza bera, ez irakaslearentzat ezta ikaslearentzat ere. Horregatik, Aste Santuko oporren ostean, ikasleak talde kooperatibotan bilduta proiektuak lantzen hasi ziren eta iritsi da egindako lana erakutsi eta ikasleek sortu dituzten siteez gozatzeko unea.

Orioko Herri Ikastola, Mondragon Goi Eskola Politeknikoa eta Ikastolen Elkartea elkarlanean

Orioko Herri Ikastola, Mondragon Goi Eskola Politeknikoa eta Ikastolen Elkartea elkarlanean

 Mugara iritsi da Orioko Ikastola eta Mondragon Goi Eskola Politeknikoko Diseinu Industrialeko ikasleek elkarlanean eta Ikastolaren Elkartearen laguntzaz egin duten ELKARMAKER proiektua. Denen artean ilea automatikoki orrazteko robota eta dirua gordetzeko kutxa bat sortu dituzte, huts-hutsetik.

Orriak

Albisteak-era harpidetu