Albisteak

Orioko Herri ikastola beste sei ikastolekin elkarlanean

Orioko Herri ikastolako sei kide Arizmendi ikastolan izan dira Konfiantzaren Pedagogiaren markoan oinarritutako bilera batean lidergo pedagogikoan beste pausu sendo bat emateko. Zazpi ikastolak osatzen dute 7kp (Axular, Arizmendi, Anoeta, Laskorain, Txantxiku, San Fermin eta Orioko Herri Ikastola) eta bilera izan dute gaur Aretxabaletako Almen gunean. Orioko ikastolako pedagogia eraldaketaren talde motorra oasatzen duten sei pertsona joan dira bertara.

Euskarazko eta gaztelerazko nobedadeak liburutegirako

Iritsi dira euskarazko eta gaztelerazko literaturako azken nobedadeak Orioko Herri Ikastolako DBHko liburutegira. Irakurketa on, denei!

Lehenengo zikloko espazioetan lurra berritu da

Gabonetako oporrak aprobetxatuz lurra berritu dute Orioko Herri Ikastolako lehenengo zikloko espazioetan. Gabonetako oporrak hartu baina lehen irakasleek mueble guztiak beste geletara eraman eta hutsak utzi zituzten. Oporretan lanak egin eta haurrak ikastolara etorri baino egun bat lehenago joan ziren berriz ere irakasleak borondatez muebleak lehen zeuden lekuetan jartzera. Mantenuko arduraduna ere, Bittor, buru belarri lanean ibili da lanean oporretan. 

Ate irekien jardunaldia izan da Orioko Herri Ikastolan

Gaur goizean, urtarrilaren 16a, ate irekien jardunaldia izan da Orioko Herri Ikastolan. Guraso asko hurbildu dira eta Ikastolako espazioak ezagutu eta hezkuntza proiektuari buruzko informazio asko jasotzeko aukera izan dute.

Ate irekiak urtarrilaren 16an. Eman izena!

Ikastola gertutik ezagutu nahi duen ororentzat Orioko Herri Ikastolak ateak zabalduko ditu urtarrilaren 16an, larunbatean, goizeko 9:3Otatik 13:00ak bitarte. Jende pilaketak ekiditeko, 3 txanda antolatu dira. Bertaratzen direnek zuzeneko informazioa eskuratu eta Ikastolako txoko guztiak ezagutzeko aukera izango dute. 

Familietan euskara lantzeko hiztegitxoak

Orioko Herri Ikastolako HIZPRO taldearen eskutik, euskara ama-hizkuntza ez duten familiei, hiztegitxoak banatzen zaizkie euskara etxe guztietara sartzeko helburuarekin.

Aita Mari Salbamentu maritimokoak ikastolan

Orioko Herri ikastolako LH6ko ikasleei Salbamento Maritimo Humanitario elkartekoak etorri zitzaizkigun. Jangela eramaten duen, Askorako, Mahi Mahikoen eskutik, Aita Mari Salbamento Maritimo Humanitario elkartekoak (Sara eta Nerea) etorri ziren beraien esperientzia eta zereginak kontatzera. 

 

“Behi zoriontsuaren errezeta” antzezlana

Aste honetan zita berezi bat izan dute LH2ko ikasleek, aretoan antzerkia. Orioko Herri ikastolako jangelaren helburua ez da jatea bakarrik. Haurrek modu osasuntsuan jateaz gainera, esperientzia dibertigarri eta hezigarria bizi dezatela da Askoraren mahi- mahi proiektuaren ardatza. Oraingo honetan antzezlana antolatu dute eta LH2koak bertaratu dira. 

 

Orriak

Albisteak-era harpidetu