Orioko Herri Ikastolako jangelako otorduak prestatu eta haurrei jangelara eramaten dizkien enpresa Askora da . Egunero-egunero mimoz eta ardura handiz prestatzen dituzten otorduak eta garrantzia handia ematen die elikadurak haurren ongizatean duen eraginari. Horregatik, hilabetero, elikaduraren inguruan ekintza bereziren bat antolatzen dute Ikastolako ikasleentzat.

Aurreko astean Orioko Herriko irakasleek piktoidazketa programaren jarraipen ikastaroa izan zuten Roser Ballesterrekin. Piktoidazketak irudia, ahozkotasuna eta hizkuntza- ekoizpena lantzeko bide ematen du modu sortzailean. Metodologia aktiboa da eta hizkuntzako curriculuma modu ezberdin batez lantzen du. Aurtengo ikasturtean jarri dute martxan metodologia hau eta oso pozik dabiltza ikasleak zein irakasleak. Sormena, komunikazioa, elkarlana eta pentsamolde kritikoak lantzen dituzte ikasleek piktoren bitartez.

Ikastolatik kanpora ateratzean topatzen diren sorpresak

Orioko Herri Ikastolak argi du bizi dugun osasun krisiak ekarri digun egoeraren aurrean, txarrenari onena atera behar diola eta beraz, kanpo espazioak aprobetxatzea eta herrira ateratzea izan da besteak beste hartutako neurrietako bat.